३ एप्रिल रोजी महाराष्ट्र वैद्यकीय परिषदेची निवडणूक
प्रतिनिधी:मोहम्मद नासीर चंद्रपूर
चंद्रपूर : महाराष्ट्र वैद्यकीय परिषद निवडणूक- २०२५ साठी निवडणूक कार्यक्रम जाहीर झाला असून ३ एप्रिल २०२५ रोजी प्रत्यक्ष मतदान घेण्यात येणार आहे. महाराष्ट्र वैद्यकीय परिषदेच्या निवडणुकीकरिता एकूण ४१ उमेदवार रिंगणात आहे. त्यासाठी चंद्रपूर जिल्ह्यातील एकूण १ हजार ४४२ पात्र मतदार यांच्याकडून गुप्त मतदानाद्वारे मतदानाची प्रक्रिया पार पाडण्यात येणार आहे. मतदान सकाळी ८ वाजता पासून सायंकाळी ५ वाजेपर्यंत होणार आहे. यासाठी चंद्रपूर मुख्यालय येथे ३ मतदान केंद्र निश्चित करण्यात आले आहे.सदर मतदान शासकीय वैद्यकीय महाविद्यालय, डॉ. बाबासाहेब आंबेडकर कला व वाणिज्य महाविद्यालय जवळ, रामनगर,चंद्रपूर येथे होणार आहे. यात शासकीय वैद्यकीय महाविद्यालयातील प्रशासकीय इमारत मधील अधिष्ठाता यांच्या दालनासमोरील कक्ष खोली क्रमांक १ मध्ये १ ते ४८ पर्यंत मतदार संख्या, प्रशासकीय इमारत मधील परिचारिका कक्ष खोली क्रमांक २ मध्ये ४८१ ते ९६७ मतदार आणि प्रशासकीय इमारतीमधील प्रशासकीय अधिकारी यांचे दालन खोली क्रमांक ३ मध्ये ९६८ ते १ हजार ४४२ मतदार संख्या राहणार आहे.महाराष्ट्र वैद्यकीय परिषद निवडणूक- २०२५ साठी सर्व पात्र मतदारांनी वरीलप्रमाणे संबंधित मतदान केंद्रावर सकाळी ८ ते सायंकाळी ५ या कालावधीत आपल्या मतदानाचा अधिकार बजावावा,असे आवाहन जिल्हाधिकारी तथा जिल्हा निवडणूक अधिकारी विनय गौडा जी.सी.यांनी केले आहे.
